بما إننا بنقرب جداً من 2018 ، فكرت في الحجات اللي ساعدتني طول 2017 وخلت السنة دي مميزة وحبيت أشاركها معاكم .
1- دورة رتبني
الدورة بتقدمها مدونة نماء شام، عرفتها في بداية السنة، وأقدر أقولها إنها أهم بداية للسنة الجديدة، خصص وقت تكون فيه فاضي وأقعد لوحدك وخد الدورة قبل بداية السنة، الدورة مجانية تماماً، وبتساعدك على تقييم السنة اللي فاتت إيجابياُ وبتاخد دفعة للسنة الجديدة، وبتساعدك تعرف أولولياتك وأهدافك للسنة الجديدة وتخطط ليها، مش مجرد كلام نظري، لكل كل حاجة بتتطبق عملي وقت الدورة، وأنصح بيها أي حد يبدأ السنة الجديدة بيها.
2- اليوجا
أغلبنا عندنا فكرة إن اليوجا دي هي اللي كانت البت بتعملها في الجنينة في فيلم عائلة زيزي
لكن اليوجا أكبر من كدا بكتير ، في أنواع من اليوجا منها للتخسيس ومنها للتخلص من التوتر، و منها لإزالة ألم مفاصل الجسم، وفعلا نتائجها مفيدة، وهتلاقي نفسك بقيت أهدى وبتتنفس أحسن بعد لعب اليوجا.
يفضل تلعب مع مدرب علشان يصلحلك الحركات ومايحصلش إصابات ، لكن اللي مش هيقدر دي قناة كويسة جداً على اليوتيوب ممكن تتابعوها للتعلم عن اليوجا.
و ده فيديو للمبتدئين، أنصحكم تجربوه بيمط كل عضلات الجسم و هتحسوا بفرق من أول مرة.
3- التعلم أون لاين
عملية التعلم نفسها مش عملية مؤقتة هتخلص لما تتخرج من الجامعة، لكن طول الحياة إحنا مستمرين في التعلم، وكل ما اتعلمت أكتر، كل ما زاد إدراكك وقيمتك.
ميزة التعلم أون لاين إنك بتختار الوقت المناسب، بتتعلم إزاي تعمل دافع لنفسك، إنه بيزود لك أهداف جديدة أسبوعياً وبالتالي لحظات إنجاز ونجاح ، إنك بتتعلم من ناس في أماكن ممكن ماتعرفش تسافر لها يوم، و إنك تتواصل مع ناس بتاخد معاك الكورس وعندها حياة مختلفة لكن نفس الهدف زيك، وبنتبسط جداً لما تخلص كورس وتاخد شهادته بتحس بالإنجاز.
التعلم أون لاين ممكن يكون لهواية زي الرسم، التصوير، وممكن يكون شهادة مهنية في مجال شغلك، وممكن يكون عن التربية أو علم النفس تساعدك تفهم نفسك واللي حواليك، وممكن علوم متطورة زي الإنسان الآلي والذكاء الإصطناعي.
دي مواقع للتعلم أون لاين، دور على الحجات اللي مهتم بيها عليهم، هتلاقي كورسات تفيدك.
4- كراسة لترتيب الأفكار
دايماً كان بيعجبني شكل الكراسات الصغيرة في المكتبات وكنت بشتريهم ومابكتبش فيهم، كنت بستسهل الموبايل، أو بحس إن شكلهم حلو احتفظ بيهم أحسن، لكن السنة دي قررت أشتري كراسة رخيصة علشان ماحبش أحتفظ بيها، و أكتب فيها كل الأفكار، المواعيد، الألوليات، الأهداف، الأكل اللي أحب أطبخه، الأنشطة اللي أحب أعملها مع بنتي، حتى الحجات اللي بحب أعملها في وقت فراغي، ومش بس ساعدتني في ترتيب يومي و تنظيم أفكاري وصفاء عقلي بعد الكتابة وإخراج الحجات منه، لكن حتي ساعدتني في فهم نفسي بدأت أكتب الحجات اللي بتفرحني وبتزعلني الحجات اللي بحب أعملها، الاماكن اللي عايزة أزورها، ودايماً بخليها جنبي وأنا بذاكر، أي فكرة تيجي لي خارج المذاكرة بكتبها وبرجع أذاكر بدون تشتيت.
أنصح جداً بتجريبها ، وكتابة كل حاجة تقدر تكتبها وهتلاحظ تغيير كبير.
5- معرفة قيمة التواصل
خلال السنوات اللي فاتت انشغلت بتطوير نفسي، وبتربية بنتي، وحسيت إني بعدت كتير عن أصدقائي و إن دائرة الناس حواليا بتقل، ووقتها عرفت أهمية وجود ناس حوالينا، و إن وجود ناس بتشاركك إحساسك وأحلامك و أفراحك وأحزانك هو عمود أساسي من اعمدة الصحة النفسية للإنسان. بدأت السنة بتقليل وقت الفيس بوك والخروج للحياة الحقيقى أكتر، بدأت اتعرف على ناس لمجرد بتكون جنبي في المكتبة و الحديقة وجيراني، و بدأت أخرج مع أصحابي أكتر، ونتجمع لمجرد إننا نقعد مع بعض نتكلم بس، وده حسن كتير في صحتي النفسية وفي حياتي.
التواصل بينمي دماغنا و عواطفنا وبنفهم نفسنا من رؤيتنا للآخرين.
شاركوني .. أنتو عملتوا إيه حلو في 2017 ؟ و أهدافكم في 2018 ؟
صفحتنا على الفيس بوك
مواضيع أكتر عن الحياه الصحية من هنا
2- اليوجا
أغلبنا عندنا فكرة إن اليوجا دي هي اللي كانت البت بتعملها في الجنينة في فيلم عائلة زيزي
يفضل تلعب مع مدرب علشان يصلحلك الحركات ومايحصلش إصابات ، لكن اللي مش هيقدر دي قناة كويسة جداً على اليوتيوب ممكن تتابعوها للتعلم عن اليوجا.
و ده فيديو للمبتدئين، أنصحكم تجربوه بيمط كل عضلات الجسم و هتحسوا بفرق من أول مرة.
3- التعلم أون لاين
عملية التعلم نفسها مش عملية مؤقتة هتخلص لما تتخرج من الجامعة، لكن طول الحياة إحنا مستمرين في التعلم، وكل ما اتعلمت أكتر، كل ما زاد إدراكك وقيمتك.
ميزة التعلم أون لاين إنك بتختار الوقت المناسب، بتتعلم إزاي تعمل دافع لنفسك، إنه بيزود لك أهداف جديدة أسبوعياً وبالتالي لحظات إنجاز ونجاح ، إنك بتتعلم من ناس في أماكن ممكن ماتعرفش تسافر لها يوم، و إنك تتواصل مع ناس بتاخد معاك الكورس وعندها حياة مختلفة لكن نفس الهدف زيك، وبنتبسط جداً لما تخلص كورس وتاخد شهادته بتحس بالإنجاز.
التعلم أون لاين ممكن يكون لهواية زي الرسم، التصوير، وممكن يكون شهادة مهنية في مجال شغلك، وممكن يكون عن التربية أو علم النفس تساعدك تفهم نفسك واللي حواليك، وممكن علوم متطورة زي الإنسان الآلي والذكاء الإصطناعي.
دي مواقع للتعلم أون لاين، دور على الحجات اللي مهتم بيها عليهم، هتلاقي كورسات تفيدك.
4- كراسة لترتيب الأفكار
دايماً كان بيعجبني شكل الكراسات الصغيرة في المكتبات وكنت بشتريهم ومابكتبش فيهم، كنت بستسهل الموبايل، أو بحس إن شكلهم حلو احتفظ بيهم أحسن، لكن السنة دي قررت أشتري كراسة رخيصة علشان ماحبش أحتفظ بيها، و أكتب فيها كل الأفكار، المواعيد، الألوليات، الأهداف، الأكل اللي أحب أطبخه، الأنشطة اللي أحب أعملها مع بنتي، حتى الحجات اللي بحب أعملها في وقت فراغي، ومش بس ساعدتني في ترتيب يومي و تنظيم أفكاري وصفاء عقلي بعد الكتابة وإخراج الحجات منه، لكن حتي ساعدتني في فهم نفسي بدأت أكتب الحجات اللي بتفرحني وبتزعلني الحجات اللي بحب أعملها، الاماكن اللي عايزة أزورها، ودايماً بخليها جنبي وأنا بذاكر، أي فكرة تيجي لي خارج المذاكرة بكتبها وبرجع أذاكر بدون تشتيت.
أنصح جداً بتجريبها ، وكتابة كل حاجة تقدر تكتبها وهتلاحظ تغيير كبير.
5- معرفة قيمة التواصل
خلال السنوات اللي فاتت انشغلت بتطوير نفسي، وبتربية بنتي، وحسيت إني بعدت كتير عن أصدقائي و إن دائرة الناس حواليا بتقل، ووقتها عرفت أهمية وجود ناس حوالينا، و إن وجود ناس بتشاركك إحساسك وأحلامك و أفراحك وأحزانك هو عمود أساسي من اعمدة الصحة النفسية للإنسان. بدأت السنة بتقليل وقت الفيس بوك والخروج للحياة الحقيقى أكتر، بدأت اتعرف على ناس لمجرد بتكون جنبي في المكتبة و الحديقة وجيراني، و بدأت أخرج مع أصحابي أكتر، ونتجمع لمجرد إننا نقعد مع بعض نتكلم بس، وده حسن كتير في صحتي النفسية وفي حياتي.
التواصل بينمي دماغنا و عواطفنا وبنفهم نفسنا من رؤيتنا للآخرين.
شاركوني .. أنتو عملتوا إيه حلو في 2017 ؟ و أهدافكم في 2018 ؟
صفحتنا على الفيس بوك
مواضيع أكتر عن الحياه الصحية من هنا
ليست هناك تعليقات:
إرسال تعليق