تجربتي ومشترياتي من موقع vitacost haul

فايتاكوست vitacost.com هو موقع أمريكي أغلب منتجاته عضوية وطبيعية 

والمنتجات عبارة عن أكل و فيتامينات ومكملات غذائية و منتجات تجميل و منتجات تنظيف و.. 

وفي الموضوع ده بعرض لكم تجربتي معاه 

..

دلوقتي في ناس حياتها كلها بقيت عضوية وبتشتري كل حاجة في بيتها عضوي وطبيعي وخالي من الكيماويات

من أول الأكل لغاية منتجات التجميل والنظافة

بس للأسف في بلادنا العربية أغلب المنتجات الطبيعية غالية جدا ، على عكس بلد زي أمريكا في محلات كتير في كل الأماكن متخصصة في بيع المنتجات العضوية وأسعارها مش أغلى كتير من المنتجات العادية.

فميزة موقع زي ده إنه بيوصل لأي مكان في العالم جوا وبرا أمريكا

ومش مهم تشتري كل المنتجات عضوية ، لكن في منتجات زي العسل أو منتجات العناية بالبشرة مهم تكون عضوية ، لأن الفايدة منهم مش هتلاقيها في المنتجات العادية.

دلوقتي هنشوف المنتجات وتقييم ليها 

و بعدين أقولكم مميزات الموقع و عيوبه

ملحوظة : أنا اشتريت بعض المنتجات اللي كنت محتاجاها في الوقت ده ، مش شرط تكون دي أفضل حاجة على الموقع ، وفي منتجات ماعجبتنيش.

وتقدروا تعرفوا أفضل الحاجات او الأكثر مبيعاً من الموقع نفسه ، وبردو اشتروا الحاجات اللي محتاجينها بس ، مش عشان كل الناس قالت عليها كويسة .

دي الشحنة أول ما وصلت:

ودي لما فتحتها 

عجبني تقسيم الكرتونة لأنه حافظ على المنتجات 

وكمان التغليف كان سميك جدا للمنتجات المعبأة في زجاج

فوصلت كلها سليمة 

دي صورة مجمعة

ودلوقتي مع المنتجات :

 العسل العضوي الطبيعي

و ده من أشهر منتجات الموقع 

و كان من أهم الأسباب لطلبي من الموقع

وعندهم أنواع كتير جداً من العسل 

إن شاء الله أجربها في المرات الجاية

عجبني طعمه و فعلاُ مختلف عن العسل المغشوش اللي بيتباع في السوبر ماركت

وصحي جداً لأن المعلقة الكبيرة 30 كالوري بس

وبتكفي المعلقة لتحلية المشروبات

وسعره مقارنة بأسعار العسل الطبيعي عندنا قليل جداً

من أكتر المنتجات اللي عجبتني واللي أكيد هأطلبها تاني

السعر : 6.39 $

رابط المنتج

عسل الطاقة

ده نوع تاني من العسل 

مخصص لإعطاء طاقة للجسم 

و لازم يتاخد الصبح قبل أي أكل 

وممنوع يتذوب في المشروبات السخنة

وشوفت إنه فعلاُ اليوم اللي باخده فيه بيعمل تغيير وبيدي حيوية ونشاط 

و دي صورة للعسل من جوا 

بس دي بعد أسبوعين كان خلص شوية 

السعر : 13.89 $

رابط المنتج

البيوتين

وده فيتامين لتقوية الشعر ومنع تساقطه

 بيتاخد بالتدريج من مرتين أسبوعياُ اول أسبوع 

وتاني أسبوع 3 مرات لغاية واحدة يومياً 

ولما تقرري تبطليه بردو تدريجياً بالعكس

لسه ماقدرش احكم عليه بالنسبة للشعر 

بس سبب حبوب في الوجه

وقريت على الانترنت انه لمنع الحبوب

 أخده مع فيتامينات مش لوحده أو  مع اوميجا 3 ،

 وجربت الاتنين  والنتيجة إن مع الفيتامينات الحبوب كانت موجودة، لكن اوميجا 3 قلت ودلوقتي مافيش حبوب 

وهأنزل التقييم النهائي له خلال شهرين

السعر: 3.99 $ 

وكان عليه عرض تشتري واحد وتاخد التاني مجاناً

رابط المنتج

الصابونة الإفريقية

صابونة طبيعية مكونة من الشيا و جوز الهند والصبار وفيتامين E

أنا حبيتها  في الأول ، كانت بتنظف الوجه جداً وبترطبه

و ريحتها حلوة و مناسبة للبشرة الدهنية 

لكن سببت جفاف في منطقة الذقن ، فخليتها للاستحمام بس.

السعر 2.99 $

رابط الموقع

مرطب شفايف

أنا كنت بشوفه دايماً وبحب شكله وهو سبب شهرته

بس ترطيبه معقول بس مش قوي

ويعتبر سعره عالي على جودته

 فـ مش هاشتريه تاني 

السعر 3.79 $

رابط المنتج

خل التفاح

عجبني جداً

أولاً هو طبيعي وعضوي 

وللأسف أغلب خل التفاح اللي موجود في السوق

 لونه أحمر وده مش نقي

لكن الطبيعي بيكون لونه زي الصورة كدا فاتح

ومهم جداً تتأكدي قبل ما تستخدمي أي نوع إنه طبيعي وعضوي من غير أي كيماويات وإلا هيكون مضر

وبيستخدم في الأكل على السلطة وطعمه حلو

أو بيتخفف بميه و يغسل بيه الجسم والشعر لقتل أي بيكتريا

أو مسح الوجه كتونرأو لقشرة الشعر أو لتنظيف الأرجل وإزالة الروائح منها

أو بيتضاف مع أي ماسك للبشرة 

له استخدامات كتيرة ومفيدة

شوفوا الفيديو ده : 

AMAZING Uses for Apple Cider Vinegar

أكيد ده هأطلبه تاني لما يخلص 

السعر : 4.69 $

رابط المنتج

_ _ _ _ _

المنتجات الجاية دي أنا طلبتها لأني في أمريكا دلوقتي

والأسعار مقاربة لأسعار السوبر ماركت العادي هنا

لكن لو كنت برا أمريكا أكيد ماكنتش هاطلبها وأدفع عليها شحن 

_ _ _ _ _

مكرونة بني

حبيت أجربها 

طعمها عجبني أوي 

أحلي من المكرونة البيضا 

السعر : 3.29 $

رابط المنتج

شوفان

نفس طعم البليلة ، ونفس طريقة عملها

بيتغلي بميه على النار وبعدين بحط عليه لبن للفطار

السعر : 2.25$

رابط المنتج

صلصة عضوية

عجبتني ، تقيلة جداً وطعمها طبيعي أوي

السعر : 2.87 $

رابط المنتج 

كوكيز

حبيت أجربه لانه مكتوب عليه إنه لا يحتوي على دهون 
و خالي من الطعم واللون الصناعي
ماحبيتهوش أبداً ، حسيت باكول بيض وسكر بس

السعر : 3.79 $

رابط المنتج

شرائح الموز

دي سناكس طبيعية 

عبارة عن موز مجفف
أنا جيبتها لواحدة صاحبتي بتحب الموز أوي 

عجبتني طعمها في الأول بس حسيت أنها تقيلة  واكتشفت إن للأسف فيها دهون كتير

السعر : 2.49 %

رابط المنتج

مشروب الشيكولاتة 

دي هدية مجانية من الموقع 

عجبني طعمها

السعر : مجاناً 

بس لو حبيت تاخد أكتر من واحدة 

الواحدة بـ 0.99 $

رابط المنتج

كدا خلصت المنتجات 

_ _ _ _ _

مميزات الموقع :

1- المنتجات طبيعية وعضوية ومضمونة لان أمريكا مابتسمحش بأي تقليد أو غش لمنتجات وماركات.

2- الأسعار كويسة ، وأقل من أسعار مواقع تانية زي أمازون.

وبيعمل تخفيضات وعروض دايماً على المنتجات

3- بيوصل لأي مكان في العالم ، بأسعار شحن كويسة 

وأسعار الشحن بتعتمد على وزن الشحنة.

و الموقع هو شبيه لموقع تاني أمريكي اسمه iherb

إن شاء الله يبقى في تجربة له ، بس كان اختياري ل vitacost

لأنه اسعاره أقل من iherb لنفس المنتجات وخصوصاً العسل

عيوب الموقع:

1- رغم إنه بيقدم أقل أسعار ممكن تلاقيها 

لكن في منتجات لازم تطلبي منها حد أدني اتنين أو تلات قطع

وممكن نتغلب على المشكلة دي بالطلب مع حد من أصحابك أو إخواتك

وده دعوة للحصول على خصم 10 دولار 

على الرابط ده

 لو عجبك التدوينة ، ممكن تشوف تدوينات أكتر عن الشراء أون لاين من هنا