تجربتي مع موقع haul eastessence.com

موقع eastessence.com هو موقع متخصص في العبايات وملابس المحجبات ، وفي بردو منتجات للأطفال والرجال  ..
الموقع ميزته للمسلمين أو العرب عامة اللي عايشين في بلاد أجنبية ، فتقدر تطلب منه منتجات مش متوفرة في البلاد دي زي العبايات وسجاد الصلاة وهكذا ..

الموقع بيوصل ل 26 دولة منهم دول عربية 

بداية أنا كنت عايزة أشتري عباية من أمريكا ، وبحثت لقيت الأسعار عالية في أغلب المواقع ، بس الأسعار على الموقع ده  كانت مناسبة
واخترت الموديل ده 

رابط الموديل من الموقع

كان السعر 29.99$ 

والشحن 9.99$

والموقع بيقدم الشحن مجانا لو الطلب فوق 100$

دي صورة الشحنة أول ما وصلت ،

الشحن بياخد أسبوعين

 وصلت في الميعاد بالظبط

دي صورة العباية 

هي خامتها قطن قطيفة اسمها 

cotton Corduroy

 ودي صورة مقربة منها

التقييم العام :
في البداية عجبتني العباية ، مقاساتها طلعت مظبوطة

لكن في مشكلة في الطول

دي أول مرة أطلب عباية فقيست الطول بالظبط ، المفروض كنت أزود 5 سم زيادة عشان وأنا ماشية العباية بتقصر عن وأنا واقفة .
لكن مع الغسيل العباية كشت جدا وقصرت مثلا 10 سم كمان.

هل هأطلب من الموقع تاني ؟

أعتقد آه هأكرر التجربة لو احتجت حاجة ، لأن الموقع يعتبر من أرخص المواقع الخاصة بالمنتجات دي ، و عجبتني الخامة وسرعة التوصيل.