تجربتي في شراء الإكسسورات من موقع aliexpress

موقع aliexpress  هو موقع صيني ضخم جداً ، عليه منتجات متنوعة من أجهزة إليكترونية ، مستلزمات المنزل وديكورات ، ملابس ، أحذية وشنط ، إكسسورات  ... 

ولأنه موقع كبير جداً هأعمل موضوع تاني لشرح بالتفصيل أفضل طريقة للطلب منه للتأكد من وصول أفضل المنتجات على الموقع وبأقل سعر وبأكبر قدر من الأمان.

دلوقتي هأعرض تجربتي معاه في شراء بعض الاكسسورات.

في عدة طرق للشحن من الموقع ، وكل طريقة لها سعر و بتاخد وقت معين، وفي شحن مجاني وبيوصل بعد شهر أو اتنين.

الشحنة أول ما وصلت :  

 التغليف جيد جداً ، وحافظ على المنتجات

الورقة اللي على الشمال دي من البائع ، بيطلب أقيمه 5 نجوم ، ويعطي لي خصم دولار على الأوردر الجاي ، بس طبعاً أنا قيمت المنتجات بأمانة من نجمة ل 5 نجوم.

المهم

 دي السلاسل متجمعة

ودول مقارنات بين اللي وصلولي وبين صورتهم على الموقع:
- الصورة اليمين اللي وصل ، والصورة الشمال من الموقع -

السعر: 0.77$
دي جودتها كويسة وشكلها زي صور الموقع ، لكن هي أقصر من الطول اللي كان مكتوب على الموقع 

السعر: 0.58$ 
الفيونكة دي عجبتني أوي ، زي الصور وجودتها كويسة

السعر 0.71$

دي جودتها أقل كتير ومابتلمعش زي الصور

السعر: 1.11$

دي عجبتني أوي ، طويلة و جودتها معقولة

السعر: 0.97$
النجمة دي جميلة وطويلة وخفيفة وزي صور الموقع 

السعر: 0.96$
دي أطول سلسلة وصلت ، هي جميلة بس كبيرة أوي في الحقيقة 

السعر: 1.04$

دي أسوأ سلسلة وصلت ، جودتها وحشة جدا مش زي الصور

و دلوقتي مع الخواتم و الحلق والانسيالات

وصورهم منفصلين : 

السعر: 0.79$
دول عجبني الجلد بتاعهم لكن الجزء الذهبي مابيلمعش زي صور الموقع وباين الفرق في الصور

السعر: 1.50$
دي عجبتني أوي ، جودتها عالية ، وشكلها أغلى من سعرها

السعر: 0.34$
الحلق عجبني حجمه ، لكن جودته مش عالية 


السعر: 0.41$
الخاتم ده عجبني ، بالظبط زي صور الموقع

السعر: 0.89$
 الخواتم دي مختلفة تماماً عن الصورة وسيئة في الجودة ، هي أسوأ حاجة وصلت لي.

تقييمي للتجربة كلها :

- الأسعار جيدة والمنتجات مميزة بتكون غير موجودة في الأسواق العربية عندنا.

- الشحن المجاني بياخد وقت طويل من شهر لشهرين على حسب البلد ، لذا لازم الطلب قبل فترة طويلة من احتياجك للمنتج.
- جودة المنتجات بتختلف بعضها جيد جدا وبعضها سئ جدا ، بس الموقع بيسمحلك تعمل تظلم وبتقدم طلب فيه صور للمنتجات السيئة اللي وصلتلك و بيحكم بينك وبين البائع وممكن فلوسك ترجعلك ، وهأوضح كل التفاصيل دي في موضوع منفصل.
انتظروني
دمتم بخير :)