النهاردة هنتكلم عن تجربة شراء من
http://www.feelunique.com/
الموقع بريطاني ، و سبب طلبي منه الأساسي هو اني كنت محتاجة المنتجات اللي هنشوفها دلوقتي ، وهو كان أرخص مكان لقيته بيبعها
ودلوقتي مع التجربة :
ده الطلب من الموقع
دي الشحنة أول ما وصلت ، المفروض إنها كرتونة لكن اتطبقت واتبهدلت كدا أثناء النقل.
لكن وصلي معاها جواب اعتذار من البريد انه شئ خارج عن إرادتهم
دي صورة مجمعة للمنتجات
ده أول منتج وهو مطول و مقوي للرموش
وهو زي الماسكرا بيتحط على الرموش يوميا وعجبني حسيت بفرق بعد استخدامه
ده المنتج التاني وهو عبارة عن منتجات صغيرة للسفر من ماركة نوكس ، بس لسه ماجربتهوش ، لما أجربه هانزل رأيي فيه
و الطلب وصل بعد شهر تقريبا
التققيم العام للموقع :
الموقع فيه المنتجات أغلى من مواقع كتير ، بس يمكن المنتجين اللي طلبتهم كان سعرهم أقل.
ماعتقدش هأطلب منه تاني.
طب لو سمحتي ممكن توضحي طريقة كتابة العنوان بالزبط علشان انا عايزة اطلب من الموقع بس مش عارفة الرقم البريدي او هل لازم اكتب عنوان العمارة بطريقة معينة في الخانات بتاعت العنوان , وميرسي جداّ
ردحذفأزال المؤلف هذا التعليق.
حذفالرقم البريدي ده رقم أقرب مكتب بريد جنبك ، ابحثي على الانترنت هتلاقي أرقام كل المكاتب. واكتبي العنوان بالتفصيل البلد و المحافظة و المدينة و المنطقة و الشارع والعمارة والدور والشقة .
حذف