وقت الصبح ده من أول ما نصحي لغاية ما ننزل، وقت مهم جداً لأطفالنا و لينا، وهو اللي بيحدد شكل باقي اليوم، فالمفروض نكون هاديين الصبح ونستغل الوقت ده في التواصل مع ولادنا والكلام الإيجابي علشان يبقى يومهم كله هادي بدون ضغط أعصاب.
في أفكار كتير تساعد على إن الوقت ده يبقى هادي زي:
- نصحي بدري بوقت كفاية. ( و ده هيلزمه النوم بدري)
- نتواصل جسدياً أول مانصحي نحضن بعض ونبوس بعض ونقول وحشتني و صباح الخير.
- نحضر صندوق الغدا من بليل.
- نحضر هنفطر إيه من بليل.
- نحضر هنلبس إيه من بليل ، وكمان ممكن ناخد خطوة أكبر ونحضر لبس الأسبوع كله للأطفال من قبل ما الأسبوع يبدأ.
وده اللي بعمله عشان نوفر أي وقت أو مجادلات بليل قبل النوم، او الصبح قبل النزول.
في نهاية الأسبوع بشرح لبنتي الجو عامل إزاي الأسبوع ده عشان نختار لبس مناسب، وبخليها تختار بين هدومها، وبنحط الهدوم في الرفوف دي، 5 ألبسة ل 5 أيام. ومعاهم الملابس الداخلية و الشراب ، وده نقطة مهمة في النظافة لازم يتعلمها الأطفال وهي تغير الملابس الداخلية والشراب يومياً.
كروت الأسبوع للطباعة من هنا نسخة الأسبوع بيبدأ من الاتنين ونسخة من الأحد.
ماتنسوش تشوفوا إزاي بنرتب جدول الأسبوع من هنا
ليست هناك تعليقات:
إرسال تعليق